Archive for February 2012
හති වැටුනු වෙලාවක
 |
| පින්තූරය www.favim.com වෙතිනි. |
සිතන්නට සිතුනු විට ජීවිතයෙ අරුණ ගැන
අනන්තයෙ ඉම සොයා දුවන මඟ නැවතුමක
කිනිත්තක අග පිපුනු මල් කැකුලු හිනා වෙල
මට කීව,
කටු පඳුරු සිප ගන්න හෙට මලක් පිබිදේවි
ඒ මල පිපුනු පසු එහි සුවඳ මදි වේවි
තවත් මල් සොය සොයා නොනැවතී ඔබ යාවි
ජීවිතය විඳගන්න වෙලාවක් නැති වේවි
ඒ මල නොවේ ජීවිතයෙ ඔබ සොයන මීවිතය
ඒ සතුට ඒ සුවය ඔබ ලඟය සැම විටම
හඟින්නට හැකි නම්
කටු පදුරෙ මුදු සුවය
සිබින්නට හැකි නම් මල් සේම
ආදරය පිරි හදින්
මිහිරි වෙයි සැම දෙයම මිහිතලය තුරුලෙ වන
ජීවිතය සිත්තමකි ආදරෙන් පැහැ ගැනෙන
